TIA
Nampidirin'i richtiana | 28 Nov, 2007
ianao niteny hoe:<tia>
kanefa toa tsy haiko izay dikany aminao,
tsy tsapako satria:
ny zavatra fanao tsy misy fihatsarana
na koa mba miha-vao
ny omaly toa tsy miova,ny ketoka sy kita,
ny tsy firaharahiana,ny fanaranam-po
amim-pitiavan-tena
toa zary lasa lova,ny fanapahan-drery
tsy misy teny miera fa dia mihenahena
dia izaho ve ilay mba tiana?
....tsia hoy aho satria:
amiko ny< tia>
dia manokan-tena ho an'ilay tiavina
vonona amin-kery sy fandavan-tena
haneho an-tsitrapo
ilay tena hoe:fitiavana
mizara fifaliana,ny alahelo koa
izay rehetra mety hiarahana mizaka
hatramim-pahoriana,na ratsy na ny soa
na mafy tsy ho setra dia miaraka mitraka,
hiatrika fiainana,mandrakizay doria
izay no atao hoe:<tia>.
richtiana